One Day Conference

In defence of Pension Rights & the Welfare State

Merkredi 22 Septam

Auditorium, Octave Wiehe

University of Mauritius, Reduit

Lor Drwa Sosyal

Nou afirmé ki tou dimounn ena drwa;

Nou rapel ki Leta Morisyin inn rafifyé ek siyn Deklarasyon Iniversel Drwa Imin ek Konvansyon Nasyon Zini lor Drwa Ekonomik, Sosyal ek Kilitirel, ki dir

Recognizing that, in accordance with the Universal Declaration of Human Rights, the ideal of free human beings enjoying freedom from fear and want can only be achieved if conditions are created whereby everyone may enjoy his economic, social and cultural rights, as well as his civil and political rights and freedom;

Nou dir ki drwa imin li indivizib e nou rapel ki Leta Morisyin inn ader a Sart Afrikin lor Drwa Imin ek Drwa Lepep, ki dir

Convinced that it is henceforth essential to pay a particular attention to the right to development and that civil and political rights cannot be dissociated from economic, social and cultural rights in their conception as well as universality and that the satisfaction of economic, social and cultural rights are a guarantee for the enjoyment of civil and political rights;

Etan doné ki Ledikasyon, Lasanté, Pansyon, Sibsid lor manzé, transpor and lozman, form parti bann drwa imin de baz tou imin;

Etan doné ki drwa sosyal li iniversel, setadir li aksesib ek garanti a tou sitwayin, ek kan ena kit lalwa, lord oubyin mezir kouma “means testing”, sa reprezant enn antrav ek disolisyon sa bann drwa sosyal-la;

Etan doné ki sistem “means test” pou bann drwa sosyal reprezant enn retourn an aryer a lepok kolonyal kan ti ena sistem degradan ek imilyan “Poor Law”;

Nou rapel ki Lasanté ek Ledikasyon gratis, piblik ek iniversel, e sibsid lor manzé, transpor, lakaz, osi byin ki drwa a Pansyon Vyeyes, li rezilta lalit ki travayer finn amené pandan plis ki enn syek;

Etan doné ki Drwa Sosyal ki garanti sou Welfare State li reprezant enn form avansé redistribisyon larises depi klas ris a pov, tou an respektan dinité imenn;

Etan doné ki larises ki pé kré par klas travayer pe an permanans apropriyé par ti-ponyé dimounn ris;

Etan doné ki dimounn ris pe pey de mwins an mwins tax, kan lot kote klas travayer pe saryé dé pli-an-plis lor so zepol fardo taxasyon, avek tax indirek kouma TVA;

Nou afirmé ki se aksé inegal a larises ki bizin “vize” e non pa drwa sosyal sitwayin;

Nou afirmé ki bidzé pei ek politik ekonomik ek sosyal bizin formilé pou ki zot koresponn ek respeketé bann drwa sosyal é non lekontrer;

Lor Drwa Pansyon

Nou re-afrimé ki Drwa Pansyon ek pli spesyalman Pansyon Vyeyes, li enn parmi bann drwa santral, dan bann drwa sosyal;

Nou rapel Leta Morisyin so obligasyon sou Konvansyon Nasyon Zini lor Drwa Ekonomik, Sosyal, ki dan so lartik 9 dir:

The States Parties to the present Covenant recognize the right of everyone to social security, including social insurance;

Nou rapel ki Pansyon Vyeyes kouma enn Drwa Iniversel, li rezilta bann lalit ki travayer fin amené an 1937 ek 1943;

Nou afirmé ki;

Sosyeté kolektivman ena enn devwar pou okip tou dimounn ki azé
Sitwayennté enn pei li vedir ki tou dimounn ena drwa a swin-de-baz depi ki nou né ziska ki nou mor.
Drwa pansyon li form parti lapey travayer kan nou get li dan enn enn fason larz. Li enn parti lapey ki tousé kan pran retret.
Drwa pansyon pou tou dimounn li importan dan tou kondisyon kot ena boukou somaz, travay kazyel, kot pena sekirité danplwa ouswa kot ena enn gran sekter informel
Lafami, antan ki institisyon, byin feb ek kapav okip bann manb lafami zis lor kondisyon ki Leta soutenir li atraver lopital, “day-care centre”, transpor sibsidyé, lamoné pansyon, ledikasyon gratis.
Seki anfet pé apel “vyeyisman popilasyon” li nek rezilta siksé politik family planning, bizin rekonet li kouma enn progré limnanité é non pa enn problem limanité; e kan get “vyeyisman popilasyon” li selman enn kestyon byin relativ - kan get li avek nivo prodiktivité nouvo teknolozi/ masinn oubyin avek mwins somaz.

Nou konsideré ki ena bann “vested interest” ek kapitalist gournman ki pé rod met lamé lor Fon Pansyon ek servis sosyal atraver privatizasyon sistem pansyon ek servis sosyal;

Nu re-afirmé ki zamé finn ena okenn deba demokratik lor lefet ki pou introdwir “means test” pou drwa sosyal ek Pansyon Vyeyes;

Nou konsider li imoral kan bann Parlmanter ek Minis pé vot pou zot mem bann Pansyon ek Lump Sum mirobolant;

Nou dimann tou lafors ki responsab aster ek dan lavenir pou responsab pou formil politik ekonomik ek sosyal pou prezerv ek konsolid drwa TOU sitwayin tel ki garanti sou Welfare State zordi – setadir;

· Drwa Ledikasyon ek Lasanté gratis pou tou dimounn

· Drwa a enn Pansyon Vyeyes pou tou dimounn

· Sibsid lor manzé de baz, transpor ek lozman

Nou dimann sa bann lafors-la pou inklir sa bann drwa-la, kouma enn Drwa Fondamantal dan Konstitisyon nou pei;

Nou osi dimann anilasyon imedyat bann “Form Deklarasyon” pou ki gayn Pansyon Vyeyes;

Nou dir, nou pou servi tou mwayin ki nou dispozé dan kad prosenn Eleksyon Zeneral pou avans lobzektif kinn mansyoné dan sa Sart lor Drwa Sosyal ek Drwa Pansyon;

22 Septam 2004